Wasiirkii hore ee Dibedda Somalia, Axmed Ciise Cawed: “Markii aan ahaa Danjiraha Soomaalida ee Mareykan, ayuu mar noo yimi Raysal Wasaare Kheyre, 2017kii – waxa aan ballan uga raadiyey si uu ula kulmo Haweeneyda haysatay IMF, xilligaa Christine Lagarde iyo madaxda World Bank-ga maadaama oo aan dayn cafin ku howlanayn, nasiib-darro waxa ay noo soo direen ku-xigeennadooda, mar kale waxa aan dalab ka raadsanay Wasaaradaha Gaashaandhigga iyo Arrimaha-dibedda Mareykanka iyana waa naga cudurdaarteen oo Raysal wasaareheena ma arkin madax.
Muddo ka dib ayaan imi Jabbuuti aniga oo wasiirka Arrimaha-dibedda ah, waxa aan Garoonka kula kulmay haweynaydii diideysey la kulanka Raysal wasaareheen [Christine] oo sugaysa Agaasimaha Xidhiidh caalamiga ah ee Wasaaradda Arrimaha-dibedda Jabbuuti oo ka soo daahay xataa wasiir ku-xigeen uma imaan….. Madaxda Soomaalidu lama kulanto madax dhiggeeda waana la quudhsadaa.”
