Arabsiyo,(Qaran news)- Wasiirka Wasaaradda Horumarinta Beeraha JSL Mudane Cabdiqaadir Iimaan Warsame, ayaa kulan muhiim ah la yeeshay Ganacsatada dalka, si uu ugu dhiirigeliyo inay ka qayb-qaataan wax soo-saarka dalka.
Kulankan oo sidoo kale ujeeddadiisu ahayd sidii Ganacsatadu wada-shaqayn dhow ula yeelan lahaayeen Wasaaradda Beeraha JSL, ayaa ka qabsoomay Beerta uu Magaalada Arabsiyo ku leeyahay Maxamed Xasan Carwo.
Sidoo kale, kulankaasi ayaa lagaga wada-hadlay hirgelinta Daladda Ganacsato Beeralayda dalka iyo sidii sharcigeeda loo hirgelin lahaa, isagoo Wasiirka Beeruhu u soo bandhigay Ganacsatada dalka sida ay uga qayb-qaadan karaan horumarinta wax-soo-saarka dalkooda.
Ugu dambayn, kulankaasi ayaa soo ku soo dhamaaday isfaham iyo Jewi wanaagsan.
