Masuul la sheegay In Madaxweynaha la doortay Xil u magacaabi doono,Nooca Xilka & Xoggo kale
Hargeisa-(Qaran-news)-Sida ilo wareedyo rasmi ahi u xaqiijiyeen warfidiyeenka Qarannews Madaxweynaha la doortay Col.Muuse Biixi Cabdi ayaa la filayaa inuu u dhawaan u magacaabo Badhasaabka Gobolka Daad-madheed Amb.Axmed Xasan Cigaal oo ka mid ah Kaadiriinta Xisbiga Kulmiye.
Amb.Cigaal ayaa Xilligii Xukumadii Daahir Rayaale ahaa Wakiilka Somaliland u joogay Dalweynaha Shiinaha,Muddo danbena wuxuu la-taliye u noqday Wasiir Warancade ,Hase yeeshee aakhiru-Licibkii wuxuu ka soo dhex muuqday Xisbiga Kulmiye,Welibana Ololihii codka & Taageero doonka ahaa ee Muuse Biixi ku galabixiyey Gobolada Bariga Somaliland.
Amb.Axmed oo dhaqaale ahaan ladan,ayaa Xoggaha Warfidiyeenka Qarannews soo gaadhayaa tibaxayaan inuu u jeeni qaaran yahay Haaneedida Xilkaas Badhasaabnimo oo siyaasiyiin badani kala Han weynaayeen,Yeelkeede, lama oga ilaa hadda inuu ku qanacsan yahay Xilkaa Badhasaabnimo & Inkale Maadaba dhawr jeer oo aanu wacnay telefoonkiisa Gacantu xidhnaa.
Gobolka Daad-madheedh ayaa tan iyo intii Derejada ama mansabka Gobolnimo la siiyey aan helin ama loo magacaabin Badhasaab Khibrad iyo Aqoon durugsan u leh Maamulka Dawladnimo.
Geesta kalena,Haddii Amb.Axmed Xilkaas qaato wuxuu u quusgoyn doonaa,Meeshana ka bixi doona Askar Hore & Kaadiriin Aqoontooda Waxbarasho & Khibradooda Shaqoba hooseyso, Xilli danbena ku soo biiray Xisbiga Kulmiye oo Suuqyada kaga goolaftama inuu Muuse Biixi xilkaa ku maamusi doono ama u magacaabi doono.
Qarannews