Burco(Qaran-news)- Wasiirka Madaxtooyada Somaliland Maxamuud Xaashi Cabdi oo ay weheliyin xildhibaano iyo masuuliyiin ka tirsan xukuumada ayaa,caawa guura gal ku gaadhi doona magaalada Celefweyn ee ka tirsan gobolka Sanaag.
Wasiirkan ayaa la sheegay inuu muhiimada safarkiisu la xidhiidho inuu ka qaybqaato nabadeynta shaqaaqadii ka dhacday degaanka celefweyn ee beelaha walaalaha halkaasi ku dhex martay dhowaan.
Shaqaaqada ka dhacday degaankaas oo haatan laga joogo mudo bil iyo dheeraada ,ayaa lagu eedeenayay inuu wasiir Maxamuud xaashi ka mid yahay dadka dabada ka hurinayay islamarkaana ka dhego adaygay qaylo dhaantii ka soo yeedhayay degaankaas balse hada wararku waxay sheegayaan in wasiirku markuu ka war helay in ergooyin kala duwan oo gaadhaya ilaa boqol qof oo isugu jira madaxdhaqameed,waxgarad iyo culimo ay gaadheen celefweyn ay ku keliftay inuu orod guura gala ku gaadho magaalada Celefweyn.
Lama oga waxa wasiirku mudada dheer ee collaadani taagnayd,qaylodhaankuna soo gaadhayay waxa uu dhegaha uga furaystay iyo sababta uu xiligan tagay,waxaana dad badani shaki ka muujiyeen safarkiisa,kuna tilmaameen mid shaki weyn dhlaiyay.
haseyeeshee socdaalka wasiir maxamuud ma waxa uu noqondoona mid xeelad qarsoon ku jirto mise mid xakamo nabadeed noqon doona.