Xildhibaan toogasho ku dilay Qof shiciba+Mawduuca ugu hadal haynta badan Hargeysa Maanta!
Hargeisa-(Qaran-news)-Xildhibaan ka tirsan Golaha Degaanka Hargeysa ayaa xalay saqdii dhexe toogasho ku dilay nin shiciba magaalada Hargeysa gudaheeda.
Xildhibaan Mustafe Cismaan Daahir oo ka tirsan xildhibaanada golaha degaanka Hargeysa,lagana soo doortay Bariga Hargeisa ayaa toogtay marxuum Cabdirashiid Aadan Warsame (Cabdirashiid Dheere)oo ay isku beel ka soo jeedaan,dabadeedna isa soo xidhay sida xogaha Qarannews heshay sheegayaan.
Ilaa hadda lama hayo sababta dhabta ah ee xildhibaan Mustafe Cismaan Daahir ku keliftay inuu toogto marxuun C/Rashiid hase yeeshee war jiraaba cakaruu iman!.
Isku soo wada duuboo maydkii marxuumka ayaa yaala Cusbitaalka Guud ee Hargeysa ,sidoo kalena dilkan ayaa noqday mawduuca ugu hadal haynta weyn hargeysa maanta!.
Qarannews